واحد الجنرال شاد العساكرية بارك عليهم بالغوات سول واحد شانو هاذي في يدك
العسكري قاليه : مكحلة ، عربط عليه الجنرال لا هاذي أسيدي راها مرتك
داز عند العسكري الاخر أشنو هاذي في يدك العسكري: مرات عبد القادر أشاف
النكتة الثانية
واحد طلع لطوبيس هاز سيف وهو يقول للي راكب : للي ما كتنتهيش سميتو فللخر بكلمة الدين بحال ( بهاء الدين ) غادي ندبحو
مشا عند الأول قال ليه سميتك قال ليه صلاح الدين .الثاني نور الدين الثالث سيف الدين .
هو يلقا واحد اللور كيترعد هو يقول ليه سميتك قال ليه هو كيترعد : بيتادين
النكتة الثالثة
واحد المعكاز غادي يزوجوه مباغش قالو ليه والو غادي نزوجوك،
قاليهم واخا ولكن بشرط تجيبو لمرا تكون حاملة
النكتة الرابعة
بنت حامل من صاحبها
.وأهلها قررو يقتلوها
جا صاحبها على البيت عندهم وحكاليهوم:
.........أنا مغاديش نتزوج بنتكم
... لكن الى جابت ولد أنا غادي نعطيها فيلا وسيارة
ونكتب ليها شركة باسميتها
أما لو جابت بنت غادي نعطيها بيت وسيارة و 10000 درهم
أما الى طلعت ماحاملاش
قاطعه الأب وقال: ماشي مشكيل
حاول مره ثانيه يا إبني
النكتة الخامسة
طفلة صغيرة سألت أباها بابا كيف بدأ الخلق ؟
جاوبها : الله خلق أدم وحوااء وتزوجوا وجابو أولاد وبنات وبدأت قصة الخلق .
..!!مشات سـولات امها نفس السؤال ردت عليها : الانسان اصله قرد وتطور وصار يشبه الانسان…
رجعت لأبوها : بابا علاش كتعلمني غلط !! …ماما كتقول أن الانسان اصلو قرد . .! …………قال ليها : حبيبتي انا هدرتلك على عائيلتي !!أما العائلة ديال أمك بوحدهم
النكتة السادسة
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مرتة: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
النكتة السابعة
سولوا واحد المبوق: أشنو الفرق بين الشتا والصيف؟
قال ليهم: نقطة
قالوا ليه: كيفاش؟
قال ليهم: الصيف عرق، والشتا غرق